The responsibility rests with patients to contact CANSA for assistance. Read more...

CANSA Care Centres

COVID-19 – Wat Kankerpasiënte Moet Weet

COVID-19 – Wat Kankerpasiënte Moet Weet

English Media Release

26 Maart 2020 – In die belang van kankerpasiënte en -oorwinnaars, gedurende ‘n tyd waar die COVID-19 virus vinnig versprei, stel KANSA waardevolle inligting beskikbaar om te help om pasiënte en oorwinnaars se veiligheid teen die virus te verhoog. KANSA bied aanlynondersteuning deur die KANSA webwerf, sosiale media platforms en personeel aan diens. (Sien inligting  en infografiek).

Elize Joubert, KANSA Hoof Uitvoerende Beampte sê: “Kankerpasiënte en -oorwinnaars is onder hoë risiko om ernstig siek te word weens infeksie omdat hul immuunstelsels in die meeste gevalle in gedrang mag wees. Dit is belangrik dat ons voorligting gee oor wat gedoen kan word om hul risiko vir die virus te verlaag, asook wat om te doen indien hul deur die virus besmet sou word. Hulle moet ook weet dat hulle nie alleen is nie, ten spyte van die 21-dae inperking (27 Maart tot 16 April 2020) aangekondig deur President Cyril Ramaphosa op 23 Maart.”

Sommige van KANSA se Sorgtuistes (Bloemfontein, Pretoria, Johannesburg, Durban, Richards Bay en een in Kaapstad by Tygerberg hospitaal) gaan voort om akkommodasie, vervoer, maaltye en sorg te bied aan kankerpasiënte wat kankerbehandeling ontvang ver van hul huis af. Huidiglik geld dit terwyl publieke hospitale oopbly en pasiënte ontvang vir kankerbehandeling. In die ander provinsies is maatreëls in plek vir kritieke pasiënte om voltyds in spesifieke hospitale of behandelingsentra opgeneem te word. KANSA se TLC Tuistes vir kinders en families wat deur kanker geaffekteer word in Pretoria en Durban gaan voort om akkommodasie, met streng beskermsmaatreëls en infeksie-prosedures in plek, asook telefoniese- en aanlyn ondersteuning te bied. #CANSACareHomes

“KANSA personeel en vrywilligers sal ook voortgaan om pasiënte aanlyn deur ons webwerf, sosiale media ondersteuningsgroepe en -platforms gedurende die inperkingsperiode te ondersteun. Ons doen ‘n beroep op diegene wie in ‘n posisie is om ons volgehoue ondersteuning van kankeroorwinnaars en -pasiënte deur aanlyn donasies te ondersteun, om so te maak,” vra Joubert. #CANSAcares

KANSA gaan ook voort om stoma pasiënte met bestellings en aflewerings by te staan wat weekliks op Donderdae geprosesseer sal word. Pasiënte en oorwinnaars kan epos na thavenga@cansa.org.za of stomapta@cansa.org.za of WhatsApp 078 942 9290. #CANSAstoma

“Dankie aan al ons toegewyde versorgers, verpleegsters en mediese personeel wat onbaatsugtig voortgaan om ons pasiënte se behoeftes voorop te stel, ongeag persoonlike risiko gedurende hierdie tyd. Dit sou nie moontlik wees om met ons unieke dienslewering voort te gaan as dit nie vir hulle was nie – ons is oneindig dankbaar om so ‘n wonderlike sorgspan te kan hê,” sluit Joubert af.

KANSA Aanlynondersteuning

KANSA gaan voort om pasiënte virtueel te ondersteun deur ons webwerf www.cansa.org.za, aanlyn ondersteuningsgroepe en -platforms, info@cansa.org.za, Tolvrye Inbelsentrum 0800 22 66 22 en WhatsApp lyne naamlik 072 197 9305 Engels en Afrikaans / 071 867 3530 Xhosa, Zulu, Sotho en Siswati.

‘n Lys van personeel aan diens sal beskikbaar gestel word op die KANSA webwerf sodat pasiënte in kontak kan bly gedurende die inperkingsperiode. Verder kan KANSA gekontak word deur ons sosiale media platforms:

Vir meer inligting skakel asseblief vir Lucy Balona, Hoof: bemarking en Kommunikasie by KANSA, stuur ‘n epos aan lbalona@cansa.org.za. Skakel 011 616 7662 of selnommer 082 459 5230.)

#COVID19 #StayAtHome #SouthAfricaLockdown

Meer oor KANSA

KANSA bied ‘n unieke geïntegreerde diens aan die publiek en mense geaffekteer deur kanker. As ‘n leidende rolspeler in kankernavorsing word die wetenskaplike bevindinge en kennis wat deur ons navorsing opgedoen word, gebruik vir ons gesondheidprogramme en om ons rol as waghond tot groter voordeel van die publiek te versterk. Ons gesondheidprogramme bestaan uit bewusmaking van gesondheid, siftingstoetse vir kanker en veldtogte oor gesondheidopvoeding, KANSA Sorgsentra wat ‘n wye verskeidenheid van sorg- en ondersteuningsdienste bied aan mense wat deur kanker geraak word, stoma en ander kliniese ondersteuning en organisatoriese bestuur, verhuring van mediese toerusting sowel as a tolvrye nommer wat geskakel kan word om inligting en ondersteuning te bekom. Ons verskaf ook pasiëntesorg en ondersteuning in die vorm van 12 KANSA Sorgtuistes in die hoof metropolitaanse areas vir weg-van-die-huis kankerpasiënte.

Navrae KANSA

Besoek www.cansa.org.za of kontak jou naaste KANSA SorgSentrum, skakel, skakel KANSA tolvry 0800 22 66 22 of stuur ‘n epos aan: info@cansa.org.za. Benewens aanlynhulpbronne en Facebook-ondersteuningsgroepe bied KANSA ook veeltalige ondersteuning aan op WhatsApp: 072 197 9305 vir Engels en Afrikaans en 071 867 3530 vir  Xhosa, Zulu, Sotho en Siswati.  Volg KANSA op Twitter: @CANSA , sluit aan by KANSA op Facebook: CANSA The Cancer Association of South Africa en volg KANSA op Instagram: @cancerassociationofsouthafrica en LinkedIn.


« BACK


Do you have a question?