Stories of Hope

Die Pad Wat Ons Stap – Ons Kankerreis

Die Pad Wat Ons Stap – Ons Kankerreis

“Die pad wat ek stap is een van wonderwerke, onbeskryflik baie genade, dankbaarheid en liefde,” – dit is drie vroue van Oudtshoorn eens, wat onderskeidelik gediagnoseer is met Bors- en Servikale Kanker. Al drie van hulle het chirurgie, chemoterapie en bestralingsterapie ontvang. Foto regs – Anina Meiring, Maria Oosthuizen, Maurita Hartzenberg.

Kanker is een van die mees ernstige siektes wat vroue in die gesig staar, met een uit elke 29* vroue wat met Borskanker en een uit 36* met Servikale Kanker gediagnoseer word. (*NCR 2004) – lees meer oor die voorkoming van Bors- en Servikale Kanker.

“Tog is die kankerpad een met baie lewenslesse” sê Maurita Hartzenberg wat op 49jr gediagnoseer is met Borskanker. “Kanker is nie ‘n doodsvonnis nie. Die kankerpad is moeilik, maar daar is altyd hoop. Onthou jou lewe is soms al bybel wat sommige mense gaan lees – so lewe voluit, bly positief en waardeer die wonderwerk van lewe.”

Maria Oosthuizen is op 45jr gediagnoseer met Servikale Kanker. Haar raad aan ander vrouens is om gereeld te gaan vir papsmere en borsondersoeke. “Leef gesond en moenie bang wees om met ander mense oor jou diagnose te praat nie.” sê sy. “Hou altyd aan om te fokus op die toekoms, genesing kom uit die hand van die Here. Ek beskou my lewe as ‘n wonderwerk en God se genade het my gedra. So vriendinne maak jul lippe rooi en doen jou bes. God doen altyd die res!”

Anina Meiring is op 36jr gediagnoseer met Borskanker. Sy sê: “As die lewe jou in die middel van ‘n dam gooi moet jy kant toe swem. Opgee en oorgee is nooit ‘n opsie nie. Lewe elke dag met ‘n doel. Onthou dat lyding krag bring. Moenie omdraai as jy teleurgestel word nie, en moet nooit bly lê as jy geval het nie. Omring jou met positiewe mense.” ‘n Onbekende skrywer het gesê: “Hope is putting faith to work, when doubting would be easier!”

Beide Maurita en Maria is ondersteun deur KANSA tydens hul kankerreis. “KANSA voel vir ons soos familie. Emosioneel kon hulle verstaan waardeur ons gaan. Ons kan nooit genoeg dankie sê vir alles nie.”

Navrae KANSA

Moenie huiwer om jou naaste KANSA Sorgsentrum te kontak nie. Die personeel sal jou en jou familie help ondersteun tydens jou kankerreis.

« BACK

One Comment

  • Moira says:

    Girls hiermee stem ek heeltemal saam. Die lewe is n lied. N lied met God as komponis. Hy het my lewe vir my terug gegee en Hy was my so genadig dat ek genees is sonder enige verdere beproewinge. Van n doodsvonnis na hande in die lug gooi en met die woorde: Ons weet nie waar en wat van die kanker geword het nie. So ja, van fase 3 – 4 longkanker en klierkanker is ek vandag gespaar vir more. Die afgelope 3 maande was eenvoudig n belewing wat maak dat dit voel ek kan jubel en juig en GOD dank en almal aan hom opdra wat deur kanker gaan. Soos ek in n boek gelees het: When GOD & cancer meet deur Lynn Eib – “Sometimes God took the cancer out of them and sometimes He took them out of the cancer”.
    Hierdie boek is n baie inspererende boek en aan te beveel

    PSALM 31:15 maar ek vertrou op U, Here, ek se: U is my God


Leave a Comment

Please note: Comment moderation is enabled and may delay your comment from showing. There is no need to resubmit your comment.
Comments will be made public, should they be approved.


Do you have a question?